Buam und Deandl soin Boarisch schmatzn
D´Johanna Werner-Muggendorfer zum Doog da Muttasproch: Mir meng Boarisch
De niederbaorische Abgoadnete Johanna Werner-Muggendorfer ('s Muggerl) mechad, dass Buam und Deandl in da Schui mehr Boarisch leanan und schmatzn. D'Johanna hod d'Stodsregierung g'frogt, wos sie dafür duad, dass de Boarische Mundart bsonders geschützt wead. De ham zwar vui g'schrim, oba nix gsogt. Jetzt moand d'Johanna: Des is schood, dass de Staatsregierung a Hoamadministerium wui, oba fia de boarische Sprach koa Herz ned hod. Aba des Boarische muas ma schützn“
De Abgeodnete moand, dass vui z'weng Leid Boarisch schmatzn – in da Schui und sunst aa. D'Johanna wui, dass d'Buama und Deandl boarische Dichta lesn kanntn, boarische Gedichtl leana und boarische Liadl singan. Des wui'd Johanna. De schmatzt seiba den ganzen Doog Boarisch – a im Londoog. Und olle mengs!